नगर मधील घटना; लिव इन रिलेशनशीपमध्ये राहणार्या युवतीशी लग्न करण्यास दिला नकार, युवकाविरूध्द अत्याचाराचा गुन्हा दाखल.
.jpg)
नगर - दोन वर्ष लिव इन रिलेशनशीपमध्ये राहणाऱ्या युवतीशी लग्न करण्यास युवकाने नकार दिल्याने त्या युवतीने कोतवाली पोलिस ठाण्यात दिलेल्या फिर्यादीवरून सोहेल उबेद पठाण (वय २१ रा. वाळकी ता. नगर) या युवकाविरूध्द अत्याचाराचा गुन्हा दाखल करण्यात आला आहे.
पीडित युवती ही एका खासगी ठिकाणी कामाला होती. त्यावेळेस २०२१ मध्ये सोहेल पठाण याच्याशी तिची ओळख झाली. या ओळखीचे रूपांतर प्रेमात झाले. सोहेल याने लग्नाचे आमिष दाखवून युवतीवर अत्याचार केला. तिला गर्भपात करण्यास बळजबरीने प्रवृत्त केले. दरम्यान, दोघेही कल्याण महामार्गावरील एका उपनगरामध्ये काही महिने भाड्याने घर घेऊन लिव इन रिलेशनशीपमध्ये राहिले. त्यानंतर अरणगाव (ता. नगर) येथेही काही महिने भाड्याने घर घेऊन लिव इन रिलेशनशीपमध्ये राहत होते. युवती गर्भवती राहिल्यावर पुन्हा गर्भपात करण्यासाठी तिला मारहाण केली. जास्त दिवसांचा गर्भ झाल्याने तिने गर्भपात करण्यास नकार दिला. त्यामुळे तिला घरातून बाहेर काढण्यात आले. ती पुन्हा माहेरी आईकडे राहण्यास आली. एका शासकीय रूग्णालयात तिने एका बाळाला जन्म दिला. त्यानंतरही पठाण याने लग्न करण्यास नकार दिल्याने पीडित युवतीने पठाण याच्याविरूध्द फिर्याद दिली.
No comments:
Post a Comment