सात जणांकडून पती- पत्नीसह तिघांवर चाकूने वार, दोघे गंभीर.
.jpg)
देवळाली येथे सहा ते सात अनोळखी व्यक्तींनी पती, पत्नीसह एकाला मारहाण करत दोघांवर चाकूने वार केला. जखमींवर सोलापूर येथील रुग्णालयात उपचार सुरू असून ही घटना शुक्रवारी अडीचच्या सुमारास घडली. देवळाली येथील आरगडे वस्ती येथे विकास आरगडे व सुरेखा आरगडे हे पती-पत्नी घराबाहेर झोपले होते. रात्री अडीचच्या सुमारास सहा ते सात अनोळखी व्यक्तींनी धारधार शस्त्रांनी हल्ला केला.
यावेळी त्यांच्या पत्नी पळून जाण्याचा प्रयत्न केला. त्यांनाही चाकूचा धाक दाखवत गळ्यातील सोने काढून घेतले. यावेळी तेथेच शेजारी गोठ्यात झोपलेले शहाजी आरगडे विकास आरगडे यांना वाचवण्यासाठी आले असता त्यांनी शहाजी यांच्यावरही चाकूने हल्ला केला. या हल्ल्यात विकास व शहाजी आरगडे हे गंभीर जखमी झाले. त्यांना बार्शी येथील खासगी रुग्णालयात उपचारासाठी दाखल केले. परंतु, दोघांच्या पोटात गंभीर वार झाल्याने बार्शी येथील डॉक्टरांनी दोन्ही गंभीर रुग्णांना सोलापूर येथील रुग्णालयात येथे पुढील उपचारासाठी पाठवले.
याबाबत उपविभागीय पोलिस अधिकारी दिनकर डंबाळे, परंडा पोलिस ठाण्याचे निरीक्षक भुजबळ यांनी घटनास्थळी धाव घेत घेतली. श्वान पथक पाचारण केले. यावेळी श्वान घटनास्थळापासून देवळालीकडे ५०० मीटर अंतरावर येऊन घुटमळले. याप्रकरणी गुन्हा दाखल करण्यात आला आहे.
No comments:
Post a Comment