ओव्हरटेक करताना दुचाकींची समोरासमोर धडक; 2 जण ठार.
छत्रपती संभाजीनगर-जळगाव या राष्ट्रीय महामार्गावरील एकेरी रस्त्यावर चिंचखेडा ते केऱ्हाळा फाट्यादरम्यान दोन मोटारसायकलींची समोरासमोर धडक हाेऊन दोन जणांचा मृत्यू झाला. ही घटना रात्रीच्या सुमारास घडली. विठ्ठल गजानन जाधव (६२, रा. सातारा परिसर, जि. छत्रपती संभाजीनगर) व जय साईनाथ गायकवाड ( १८, रा. चौका, ता. फुलंब्री ) अशी अपघातातील मृतांची नावे अाहेत. विठ्ठल जाधव हे रात्री सिल्लोडहून छत्रपती संभाजीनगरकडे मोटारसायकलने जात होते, तर जय गायकवाड हा माेटारसायकलीने सिल्लोडकडे येत होता.
चिंचखेडा ते केऱ्हाळा फाट्यादरम्यान या दोन्ही मोटारसायकलींची समोरासमोर धडक झाली. यात दोन्ही मोटारसायकलस्वार गंभीर जखमी झाले. नागरिकांनी सिल्लोड उपजिल्हा रुग्णालयात जखमींना दाखल केले. येथे त्यांच्यावर प्राथमिक उपचार करून पुढील उपचारासाठी छत्रपती संभाजीनगर घाटी रुग्णालयात दाखल केले असता डॉक्टरांनी तपासून मृत घोषित केले. विठ्ठल जाधव यांच्या पश्चात पत्नी, मुलगा, मुलगी, सून, जावई, नातवंडे असा परिवार आहे. वडोदबाजार पोलिस ठाण्यात गुन्हा दाखल करण्याची प्रक्रिया सुरू होती
No comments:
Post a Comment