बहिणीने म्हैस विकून ठेवलेले पैसे, भावानेच पळवले, भावावर गुन्हा दाखल.
बाहेरगावी गेलेल्या महिलेच्या घरातील रोख रक्कम व सोन्याचे दागिने असा दोन लाख ९३ हजार रुपयांचा मुद्देमाल भावानेच चोरून नेल्याप्रकरणी बहिणीने भावाविरोधात गुन्हा दाखल केला आहे. शनिवारी गुन्हा दाखल झाला. मोहोळ पोलिसांनी दिलेल्या माहितीनुसार, औंढी (ता. मोहोळ) येथील गोकर्णा बाळू घोडके मोलमजुरी करून उदरनिर्वाह करतात. त्यांच्याकडे एक महिन्यापासून त्यांचा भाऊ अमोल पोपट कांबळे (रा. वाळूज, ता. मोहोळ) हा राहण्यास आला होता. दि. १८ मे रोजी फिर्यादी गोकर्णा या मुलासमावेत नरखेड येथे मुलीला भेटण्यासाठी गेल्या होत्या. त्यादरम्यान गोकर्णा यांचे पती बाळू हे मजुरीसाठी गेले होते. त्यांचा भाऊ अमोल कांबळे हा घरात एकटाच होता. गोकर्णा घोडके यांनी जाताना कपाटात म्हैस विकून आलेली एक लाख रुपये व सोन्याचे दागिने ठेवून सदर कपाटात ठेवले होते. दरम्यान सायंकाळी बाळू घोडके यांनी पत्नीला फोन करून सांगितले की, अमोल कांबळे हा घरात दिसत नाही. घरातील लोखंडी कपाटाचे कुलूप तुटलेले आहे. त्यावेळी नरखेडहून गोकर्णा आल्या. कपाटातील रोख रक्कम व सोन्याचे दागिने पाहिले नव्हते. त्यांनी भाऊ अमोल संशय व्यक्त करत शनिवारी (दि. २७) मोहोळ पोलिस ठाण्यात गुन्हा दाखल केला.
No comments:
Post a Comment