जेसीबी समोरील बकेट छातीला लागल्याने वृद्ध महिलेचा मृत्यू.

जेसीबी समोरील बकेट छातीला लागल्याने वृद्ध महिलेचा मृत्यू.

सोलापूर‎ - घराच्या ड्रेनेजचे खड्डे बुजवण्यासाठी आणलेल्या जेसीबीच्या‎ बकेटचा छातीला धक्का लागून एक वयोवृद्ध महिला‎ मृत्युमुखी पडल्याची घटना मोहोळ तालुक्यातील खुनेश्वर‎ गावात रविवारी घडली.‎ सुमन सुखदेव जगताप (वय ६८, रा. मार्डी, ता. उत्तर‎ सोलापूर) असे मृत महिलेचे नाव आहे. त्या खुनेश्वर येथे‎ मुलीच्या सासरी आल्या होत्या.

रविवारी मुलीच्या‎ सासरी घराच्या ड्रेनेज कामाचे खड्डे बुजवण्यासाठी जेसीबी‎ आणला होता. यावेळी सुमन जगताप या घराच्या कट्ट्यावर‎ बसल्या असताना जेसीबीसमोरील बकेटचा धक्का त्यांच्या‎ छातीला लागला. त्यामुळे त्या जागेवर कोसळल्या. त्यांना‎ उपचाराकरिता येथील शासकीय रुग्णालयात मुलगा विलास‎ जगताप यांनी दाखल केले असता त्यांचा उपचारापूर्वीच मृत्यू‎ झाला आहे. याबाबत सिव्हिल पोलिस चौकीत नोंद करण्यात‎ आली आहे.‎