शेतात काम करत असलेल्या एका १७ वर्षीय मुलीचे दुचाकीवर अपहरण करून तिला जीवे मारण्याची धमकी दिली. त्यानंतर मुलीवर अत्याचार करण्यात आला. पीडितेच्या तक्रारीवरून धारणी पोलिसांनी २९ जानेवारीला आरोपीविरुद्ध गुन्हा दाखल केला आहे. शालिकराम काळमा भुसूम (२५, रा. फॉरेस्ट मालूर, ता. धारणी) असे गुन्हा दाखल झालेल्या आरोपीचे नाव आहे. शनिवारी दुपारी पीडित १७ वर्षीय मुलगी ही शेतात काम करत होती.
यावेळी शालिकराम हा तिच्याजवळ गेला. तुला घरी सोडून देतो, असे म्हणून शालिकरामने पीडित मुलीला दुचाकीवर बसविले. परंतु, त्याने मुलीला घरी सोडून न देता त्याच्या एका नातेवाईकाच्या घरी घेऊन गेला. त्या ठिकाणी त्याने मुलीला जिवे मारण्याची धमकी देऊन मुलीवर अत्याचार केला. त्यानंतर शालिकरामने पीडित मुलीला सोडून दिले. पीडित मुलीने घर गाठून आपबीती कुटुंबीयांसमोर कथन केली. त्यानंतर धारणी पोलिसात तक्रार दिली.
No comments:
Post a Comment