ग्रामपंचायत हत्तलखिंडी येथे डिजिटल सातबाराचे सरपंच इंद्रभान शेळकेंच्या हस्ते वितरण

 ग्रामपंचायत हत्तलखिंडी येथे डिजिटल सातबाराचे सरपंच इंद्रभान शेळकेंच्या हस्ते वितरण

नगरी दवंडी/प्रतिनिधी
पारनेर ः स्वातंत्र्याचा अम्रुतमहोत्सव वर्षानिमित्त व 2 ऑक्टोबर महात्मा गांधी जयंती पासून संपूर्ण राज्यातील सर्व शेतकरी बांधवांना सुधारित नमुन्यातील डीजीटल स्वाक्षरीत 7/12 देण्याचा निर्णय शासनाने घेतलेला असून त्यासंदर्भात सातबारा उतारा वितरण ग्रामपंचायत हत्तलखिंडी येथे डिजिटल सातबारा सरपंच श्री इंद्रभान शेळके व तलाठी श्री म्हसलेकर यांचे हस्ते शेतकर्‍यांना मोफत सातबारा देण्यात आले.
यावेळी उपसरपंच श्री बाबाजी शेळके,कर्तव्यदक्ष तलाठी श्री म्हसलेकर,श्री  किसन गायकवाड,श्री सूर्यभान ठुबे,श्री दिनेश गायकवाड,सिताराम गायकवाड,अनिल ठुबे,विशाल शेळके,महादु शेळके व इतरही शेतकरी मोठया प्रमाणावर उपस्थित होते.तलाठी श्री म्हसलेकर यांनी सातबारा बरोबरच आठ अ चेही शेतकर्‍यांना वाटप करण्यात आले त्याचबरोबर संगणकीय उतार्‍यामध्ये काही तांत्रिक चुक असेल तर त्यासंबंधी दुरुस्ती करण्याचे आवाहन सरपंच यांनी तलाठी यांना करण्यात आले.