बालकांच्या दत्तक विधानाबाबत बेकायदेशीर जाहिराती करणार्‍यांवर गुन्हे दाखल करण्याचे आदेश - Nagari Davandi : Breaking & Latest Marathi News Live, Marathi News Updates

Breaking

Post Top Ad

Responsive Ads Here

Wednesday, June 16, 2021

बालकांच्या दत्तक विधानाबाबत बेकायदेशीर जाहिराती करणार्‍यांवर गुन्हे दाखल करण्याचे आदेश

 बालकांच्या दत्तक विधानाबाबत बेकायदेशीर जाहिराती करणार्‍यांवर गुन्हे दाखल करण्याचे आदेश

नगरी दवंडी/प्रतिनिधी
अहमदनगर ः कोविड-19 मुळे आई वडील व पालक मृत पावलेल्या बालकांच्या दत्तक देण्याच्या बाबत अवैधरित्या, बेकायदेशीरपणे अशा जाहिराती समाजमाध्यम आणि प्रसारमाध्यमांमध्ये प्रसिदध केल्या जात आहेत. अशा बातम्या प्रसारित करणे अथवा समाजमाध्यमांद्वारे त्याची प्रसिद्धी करणे बाल हक्क संरक्षण कायदा 2015 च्या विरोधी आहे. अशा पद्धतीने बेकायदेशीरपणे जाहिराती देणार्या आणि अशी अवैध कामे करणार्या विरोधात गुन्हे नोंदविण्यासंदर्भात महिला व बालअपराध प्रतिबंध विभागाच्या विशेष पोलीस महानिरीक्षकांनी सर्व पोलीस आयुक्त आणि पोलीस अधीक्षक यांना निर्देश दिले आहेत. तरी त्या अनुषंगाने अशा दिशाभूल करणारांची माहिती अहमदनगर पोलीस अधीक्षक कार्यालयाच्या महिला व बाल अत्याचार प्रतिबंध विभागास कळवावी, असे आवाहन संबंधित शाखेच्या  प्रभारी अधिकारी यांनी प्रसिद्धीपत्रकाद्वारे केले आहे. कोविड केंद्रामध्ये असलेल्या महिलांचे संरक्षण, तसेच कोरोनाने आई वडिलांचे निधन झाले आहे. अशा बालकांच्या हक्कांचे संरक्षण व अशा बालकांना बेकायदेशीर प्रकारे दत्तक देण्याच्या घटनांवर नियंत्रण ठेवण्याच्या दृष्टीने कार्यवाहीच्या दृष्टीने हे आवाहन करण्यात आले आहे.

No comments:

Post a Comment

Post Bottom Ad

Responsive Ads Here