रिंगरोड बाह्यवळण रस्त्यास मंजुरी! - Nagari Davandi : Breaking & Latest Marathi News Live, Marathi News Updates

Breaking

Post Top Ad

Responsive Ads Here

Wednesday, March 17, 2021

रिंगरोड बाह्यवळण रस्त्यास मंजुरी!

 रिंगरोड बाह्यवळण रस्त्यास मंजुरी!


नगरी दवंडी/प्रिंतनिधी
अहमदनगर ः अहमदनगर शहरातील प्रस्तावित  रिंग रोड बाह्यवळण रस्त्याच्या कामामध्ये  लष्कराच्या हद्दीतून जाणार्‍या  रस्त्यासाठी संरक्षण मंत्रालयाची परवानगी मिळाली असल्याची माहिती खासदार डॉ सुजय विखे पाटील यांनी दिली आहे.
अहमदनगर लोकसभा मतदारसंघातून मतदारांनी आपल्यावर दाखवलेल्या विश्वासामुळे सर्वप्रथम या वाहतूक कोंडी बाबत आपण प्राधान्याने लक्ष घातले होते.  हा रिंग रोड अनेक वर्षापासून प्रस्तावित आहे. 2018 मध्ये तत्कालीन संरक्षण मंत्री निर्मला सीतारमण आणि केंद्रीय रस्ते मंत्री श्री नितीनजी गडकरी यांनी याबाबत बैठक घेतली होती. नॅशनल हायवे अथोरिटी ऑफ इंडिया गेल्या  दोन वर्षांपासून या परवानगीच्या प्रतीक्षेत होते . खासदार डॉ. सुजय विखे पाटील  यांनी केंद्रीय  रस्ते वाहतूक मंत्री श्री नितीनजी गडकरी  व केंद्रीय संरक्षण मंत्री माननीय राजनाथ सिंग यांच्याकडे सतत पाठपुरावा केल्यामुळे या रिंग रोड साठी महत्वाच्या असणार्‍या संरक्षण खात्याच्या लष्करी हद्दीतून जाणार्‍या रस्त्यासाठी वर्किंग परमिशन मिळाली आहे. त्यामुळे लवकरच काम पूर्णत्वास जाईल अशी अपेक्षा खासदार डॉ. सुजय विखे पाटील यांनी व्यक्त केली.
शहराचे भौगोलिक महत्त्व लक्षात घेता अहमदनगर शहरातून विविध राज्यांना जोडणारी  महामार्ग आहेत,  या महामार्गावर अवजड वाहतूक होते. वाहतुकीमुळे नेहमीच रस्ता कोंडी, अपघात आणि रस्त्यांची दुर्दशा होते. गेल्या अनेक वर्षापासून नगरकर या समस्यांचा सामना करत आहेत. अहमदनगर शहराच्या वाहतूक समस्येच्या दृष्टीने प्रस्तावित अहमदनगर बाह्यवळण रिंग रोड होणे अत्यंत गरजेचे असून रिंगरोड झाल्यानंतर विळद घाट, निंबळक, नेप्ती, केडगांव, आरणगाव ते वाळुंज पर्यंत हा रस्ता प्रस्तावित असून  यामुळे शहरातील अवजड वाहतूकीपासून  नागरिकांना दिलासा मिळेल.

No comments:

Post a Comment

Post Bottom Ad

Responsive Ads Here