आमदार निलेश लंकेंच्या मध्यस्तीने वीजपुरवठा सुरळीत

 आमदार निलेश लंकेंच्या मध्यस्तीने वीजपुरवठा सुरळीत

सरडे यांनी महावितरण अधिकार्‍यांबरोबर विविध विषयांवर केली चर्चा

नगरी दवंडी/प्रतिनिधी
पारनेर ः पारनेर तालुक्यातील वडझिरे, लोणीमावळा, देवीभोयरे, राधे, गारखिंडी, अळकुटी, तसेच इतर गावातील  सर्व शेतकरी बांधव वडझिरे वीज केंद्रावर वर मोठ्या संख्येने आले. या वीज केंद्रावर अवलंबून असणार्‍या सर्व आजूबाजूच्या गावातील शेतकर्‍यांची महिन्यापासून होत असलेली विजेबाबतची हेळसांड,  ट्रांसफार्मरचे प्रॉब्लेम, वाढते भारनियमन, वीज बिल माफी, विजेचा असलेला अनियमितपणा,कमी प्रमाणात वीज सोडणे, यासारख्या सर्व समस्यांना न्याय देण्यासाठी जितेश सरडे यांनी केलेल्या अहवानानुसार जितेश सरडेंनी सर्व शेतकर्‍यांच्या बाजूने म्हणणे मांडले व त्याला महावितरण अधिकारी चरडे साहेबांनी मागण्या मान्य करून लगेच काम सुरू केले.
   स्वतः जितेश सरडेंनी आमदार निलेश लंकेशी फोनवरून चरडे साहेबांची चर्चा घडवून आणली तेव्हा व्हाट्सएप वर 5000 रुपये वडझिरे ट्रांसफार्मरच्या संदर्भात असलेला संदेश हा निघोज साठी असल्याचे सांगितले व वडझिरे संदर्भात हा संदेश खोटा असून महावितरन कडून असा कोणताही मेसेज टाकण्यात आला नाही. अशा अफवा पसरवू नये की जेणेकरून शेतकर्‍यांच्या मनात संभ्रम निर्माण होईल असे स्वतः चरडे साहेबानी सांगितले व त्यानुसार जितेश सरडे शेतकरी वर्ग अडचणीत असल्याने त्यांच्याकडून मुदातववाढ घेतली त्यानुसार चरडे साहेबानी 50000 रुपये ट्रान्सफार्मर मागे भरण्यास वडझिरे गावास 1 मार्च पर्यंत मुदतवाढ दिली.
   त्यानंतर स्वतः चरडे साहेबांनी जितेश सरडेंच्या संपर्क कार्यालयाला भेट दिली व नोकरवर्ग कमी असल्याचे लक्षात आल्यावर स्वतः जितेश सरडेंनी कंत्राटी मुले भरण्याचे आश्वासन साहेबांकडून घेतले. जवळपास 70 ते 80 शेतकरी उपस्थित होते. यावेळी सरपंच डॉ. सुभाष मावळे, चेअरमन संतोष शेंडकर, पोपट शेटे, तुळशीराम करकंडे, सुभाष सुरुडे, अनिल चौधरी, धोंडिभाऊ झिंजाड, शिवराज कदम, युवराज मोरे, सोपान करकंडे हे तसेच शेतकरी वर्ग ग्रामस्थ हजर होते.