गावठी कट्ट्यातून गोळी झाडून घेत अभियंत्याची आत्महत्या.
नाशिक रोडजवळील पळसे येथे गावठी कट्ट्यातून डोक्यात गोळी झाडून घेत तरुण अभियंत्याने आत्महत्या केली. या प्रकरणी नाशिकरोड पोलिसांत याबाबत गुन्हा दाखल करण्यात आला. पोलिसांनी दिलेल्या माहितीनुसार, पळसे हद्दीतील दारणातीरावरील भैरवनाथ मंदिराजवळ बुधवारी सकाळी ८ वाजेच्या सुमारास संदीप नाना सहाणे (२९, रा. कृष्णा काॅलनी, भगवा चौक, चेहेडी शिव मंदिर) हा मंदिरात जातो असे पत्नीला सांगून गेला. तो न परतल्याने पत्नीने नातलगांकडे चौकशी केली. त्यानंतर संदीपने स्वत:च गावठी कट्ट्यातून डोक्यात दोन गोळ्या झाडून घेत आत्महत्या केल्याचे पोलिसांच्या निदर्शनास आले. मूळचा नळवाडी (ता. सिन्नर) येथील संदीप हा माळेगाव एमआयडीसीतील कंपनीत कामास होता. एक वर्षापूर्वीच त्याचा विवाह झाला होता.
संदीप सहाणे याच्याकडे गावठी पिस्तूल कुठून आले, त्याने ते कोणाकडून खरेदी केले. याचा तपास पोलिस करत आहेत.
.jpg)
No comments:
Post a Comment