24 व्या राज्यस्तरीय बालएकांकिका स्पर्धा कांकरिया करंडक 2021 स्पर्धेचा शुभारंभ
नगरी दवंडी/प्रिंतनिधी
अहमदनगर ः बालरंगभुमीला समर्पित असलेला राज्यस्तरीय बालएकांकिका स्पर्धा कांकरिया करंडक 2021’ स्पर्धेचा शानदार शुभारंभ माऊली सभागृह येथे संपन्न झाला. सदर स्पर्धेचे हे 24 वे वर्ष आहे. कोरोनाचे सर्व अटी नियम पाळून सदर स्पर्धा घेण्यात य. सदर स्पर्धेचे उद्घाटन कांकरिया करंडकच्या प्रथेप्रमाणे बालकलाकार पार्थ लोळगे याच्या हस्ते नटराज पुजन करून संपन्न झाला. सदर प्रसंगी अध्यक्ष डॉ. प्रकाश कांकरिया, स्वागताध्यक्षा डॉ. सौ. सुधा कांकरिया, सचिव सदाशिव मोहिते, सहसचिव उमाकांत जांभळे, परिक्षक बाळकृष्ण धायगुडे (लातूर), श्री एस जी हळदिकर (कोल्हापूर), सौ सुप्रिया सचिन भागवत (सातारा), बापू चंदनशिवे, दशरथ खोसे हे उपस्थित होते.
सदर स्पर्धा स्व. कन्हैय्यालालजी कांकरिया स्मृती मानकन्हैय्या ट्रस्ट आणि मराठवाडा मित्र मंडळाच्या वतीने घेण्यात येतात. स्पर्धेचे हे 24 वे वर्ष आहे, यंदाच्या वर्षी अनेक जिल्हयातुन बालकलाकार आपली कला सादर करीत आहेत. कोरोना या संकटावर मात करून या स्पर्धेला खंड पडू न देता ही स्पर्धा घेण्यात येत आहे. आजच संध्याकाळी 4 वा या स्पर्धेचे पारितोषिक वितरण जेष्ठ चित्रपट अभिनेते श्री रविंद्र नवले यांच्या हस्ते आणि प्रेस क्लबचे अध्यक्ष श्री शिवाजी शिर्के, नाटय परिषद अहमदनगरचे अध्यक्ष श्री अमोल खोले, चित्रपट महामंडळाचे जिल्हाध्यक्ष श्री शशिकांत नजान यांच्या उपस्थितीत संपन्न होईल अशी माहिती अध्यक्ष डॉ. प्रकाश कांकरिया यांनी दिली.
सुरूवातीस नटराज पुजन, दीपप्रज्वलन करून कांकरिया करंडक 2021 चे उद्घाटन करण्यात आले. स्वागताध्यक्षा डॉ. सुधा कांकरिया म्हणाल्या की सतत 24 वर्षे कांकरिया करंडकने बालरंगभुमीची सेवा केली आहे. ही बालरंगभुमी ही एकंदरीतच नाटयचळवळीचा पाया आहे. हा पाया समृध्द करण्याचे काम कांकरिया करंडकाने केले आहे. कांकरिया करंडकाच्या रंगमंचावरून गेलेले अनेक कलाकार आज चित्रपट तसेच टिव्हि वर गाजत आहेत. बालमन नाजूक, कोमल, निरागस असते त्याला जसे आपण पैलू पाडू तसे ते घडत जाते. बालनाटय चळवळीचे संस्कार त्यांच्या वयक्तिक जीवनालाही समृध्द व संपन्न करीत असतात. एकंदरीतच बालनाटय चळवळ समाजमन घडवित असते. भविष्य उज्वल करत असते असे पवित्र कार्य करण्याची संधी आम्हाला लाभत आहे. याचा आनंद वाटतो. शेवटी श्री सदाशिव मोहिते यांनी आभार मानले. सुत्रसंचलन श्री दत्ता इंगळे यांनी केले.
No comments:
Post a Comment