जिजाऊनगरमधे नगरसेवक शामभाऊ नळकांडे यांचेकडून गुणवंतांचा सत्कार
नगरी दवंडी
अहमदनगर -नगर कल्याण रोडवरील जिजाऊनगर येथे तेथील शिक्षकवृंद व प्रभागाचे विदयमान नगरसेवक शामभाऊ नळकांडे यांच्या संयुक्त विदयमाने क्रिडा प्रकारातील यशवंत व स्पर्धा परीक्षेतील गुणवंत विदयार्थ्यांचा गुणगौरव कार्यक्रम उत्साहात पार पडला . या कार्यक्रमास प्रमुख पाहुणे म्हणून प्रभागाचे विदयमान नगरसेवक शामभाऊ नळकांडे उपस्थित होते .
जिजाऊनगरमधील सर्वच नागरीक मुलांच्या बौद्धिक विकासाबरोबरच त्यांचा शारिरीक व मानसिक विकास होण्यासाठी जागरुक असतात . याचाच परीपाक म्हणून येथील विदयार्थी शैक्षणिक व क्रिडा या दोन्ही प्रकारात शहराचे नाव राज्यच नव्हे तर राष्ट्रीय पातळीवर झळकावत आहेत .
नुकत्याच झालेल्या विविध शासकीय व शालाबाह्य परीक्षांमधे तसेच राज्यस्तरीय व राष्ट्रीय स्तरावरील क्रिडा स्पर्धांमधे विदयार्थ्यांनी नेत्रदिपक यश मिळविले . नुकत्याच औरंगाबाद येथे पार पडलेल्या राज्यस्तरीय सायकलिंग स्पर्धा पार पडल्या यामधे १६ वर्ष वयोगटामधे चि .ओम करांडे यास गोल्ड मेडल , १४ वर्ष वयोगटामधे चि .प्रणव धामणे यास सिल्व्हऱ मेडल तसेच मुलींच्या १६ वर्ष वयोगटामधे कु . अपर्णा गोरे हीस ब्राँझ मेडल मिळाले . या तिनही विदयार्थ्यांची निवड २५ नोव्हेंबर रोजी हरीयाणा येथे राष्ट्रीय पातळीवर होणाऱ्या सायकलिंग स्पर्धोसाठी झाली .तसेच मागील वर्षी झालेल्या स्कॉलरशिप परीक्षेमधे कु .सायली तांबे इ .८ वी राज्यात १७ वी , समर्थ कुलट इ .८ वी जिल्हा गुणवत्ता यादी , कु . साक्षी तांबे इ .८ वी जिल्हा गुणवत्ता यादी तसेच कु . वैष्णवी नरवडे इ .७ वी N.T.S.E परीक्षेत राज्यात तिसरी , इ .५ वी स्कॉलरशिप परीक्षेत चि . अद्वैत गहांडुले व कु . अश्लेषा गहांडुले जिल्हा गुणवत्ता यादीत आले .
कु . साक्षी नरसाळे हीने आखिल भारतीय विदयार्थीपरिषद आयोजित नॅशनल लेव्हल क्वीझ कॉम्पीटीशन मधे राष्ट्रीय स्तरावर तृतीय क्रमांक मिळवला . तसेच प्रतिक झावरे याने सी .ई.टी. परीक्षेत 99.21 पर्सेंटाईल मिळवून पी .आय.सी.टी. कॉलेजला निवड , तसेच नेपाळ येथे पार पडलेल्या आंतरराष्ट्रीय कुमार गट फुटबॉल संघाने द्वितीय क्रमांक मिळवला या संघात सहभागी असलेला चि .ओंकार नरवडे तसेच जिजाऊनगर मधील नव्याने पुढे येणारी कमावती पिढी कु . प्राची झावरे व चि .सौरभ झावरे यांनी बी .ई. च्या कॅम्पस मुलाखतीतून पुणे येथील नामांकीत आय.टी. कंपनीमधे नोकरी प्राप्त केली याबद्दल सर्वांच कौतुक आणि सन्मान करण्यात आला .
नगरसेवक सन्माननिय शामभाऊ नळकांडे यांच्या हस्ते वरील सर्व गुणवंतांचा फेटा, शाल व पुष्पगुच्छ देऊन गौरव करण्यात आला . यावेळी बोलताना सन्माननिय शामभाऊ नळकांडे म्हणाले की जिजाऊनगरमधे नेहमीच सातत्याने सामाजिक एकोपा दर्शवणारे उपक्रम राबविले जातात याच उपक्रमातून विदयार्थांना प्रेरणा मिळत असते व सुसंस्कृत पिढी तयार होत असते .विदयार्थ्याच्या या यशामुळे प्रभागाचे , शहराचे व राज्याचे नाव देशपातळीवर झळकत आहे . त्यांच्यातील निष्ठा , चिकाटी व जिद्द हे गुण अंगीकारण्यासारखे आहेत . यातूनच मला देखील प्रभागात काम करण्यास प्रेरणा मिळेल असा विश्वास त्यांनी व्यक्त केला .लवकरच जिजाऊनगर परिसरातील मुलभूत सोयीसुविधांबद्दल पाठपुरावा करून सर्व समस्या सोडविल्या जातील अशी ग्वाही त्यांनी दिली . सर्व विदयार्थ्यांना पुढील यशासाठी त्यांच्या परिवारा तर्फे व समस्त कल्याणरोड परिसरातील नागरीकांतर्फे शुभेच्छा देण्यात आल्या .
कार्यक्रमाचे प्रास्ताविक श्री . सुनिल नरसाळे सर यांनी केले . तर सूत्रसंचालन संजय झावरे सर यांनी केले . कार्यक्रमाच्या यशस्वीतेसाठी श्री . राजाराम झावरे सर , श्री . सुनिल कुलट सर , श्री . सुनिल रायकर सर, श्री . दत्तात्रय नरवडे सर, श्री . जालिंदर गोरे सर , श्री . दत्तात्रय धामणे सर , श्री . अंबादास तांबे सर , श्री .विवेक गहांडुले सर , श्री .बेरड सर , श्री . रावळे सर, श्री . सांगळे सर यांनी विशेष परिश्रम घेतले .आलेल्या पाहुण्यांचे व जमलेल्या सर्वांचे आभार श्री . सुनिल कुलट सर यांनी मानले .
No comments:
Post a Comment