कोविड सेंटरमध्येच विवाह! आ.लंकेंच्या उपस्थितीत पार पडला... - Nagari Davandi : Breaking & Latest Marathi News Live, Marathi News Updates

Breaking

Post Top Ad

Monday, June 7, 2021

कोविड सेंटरमध्येच विवाह! आ.लंकेंच्या उपस्थितीत पार पडला...

 कोविड सेंटरमध्येच विवाह!

आ.लंकेंच्या उपस्थितीत पार पडला...

दोन जोडप्यांनी केली वैवाहिक जीवनाची सुरुवात



नगरी दवंडी/प्रिंतनिधी

पारनेर ः विवाह म्हटला तर खर्च हा येतोच या अवांतर खर्चाला आळा घालून ती रक्कम कोरणा रुग्णांच्या कामी यावी ही या सामाजिक जाणिवेतून चिरंजीव निकेत व्यवहारे, चि. सौ. कां. आरती शिंदे व चि. जनार्दन कदम, चि. सौ. कां. राजश्री काळे या नव वधू-वरांनी संपूर्ण रुग्णांसाठी मास्क, सॅनिटायझर,पि. पि.कीट, अत्यावश्यक औषधे या सह लग्नाला येणार्‍या खर्चात भाळवणी येथील शरदचंद्र पवार आरोग्यमंदिर या सेंटरला अल्पशी आर्थिक मदत देत सर्व कोरणा रुग्णांना आपले नातेवाईक हितचिंतक वर्‍हाडी आहे असे समजून सुरुची भोजनही दिले पारंपारिक विवाह पद्धतीप्रमाणे ब्राम्हण अंतरपाठ धरणारे सनई चौघडे सुर रुखवत ठेवण्याच्या जागेवर सॅनिटायझर मास्क मेडिसिन लावण्यात आले होते व संपूर्ण रुग्णांना एखाद्या राजेशाही लग्न प्रमाणे सुरुची भोजन ही देण्यात आले हे या सेंटरमध्ये झालेल्या विवाहाचे वेगळेपण म्हणावे लागेल.
कोरोना रुग्ण हे आपले बांधव नातेवाईकच आहेत. परंतु या आजारामुळे समाजात त्यांच्याकडे तिरस्काराने पाहिले जाते.आमदार लंके या रुग्णांना आपले कुटुंब समजून पूर्णवेळ त्यांची सेवा करतात आपणही समाजाचे काही तरी देणे लागतो या सामाजिक भावनेतून कोरोना रुग्णांबद्दलची समाजात असणारी भीती कमी करण्यासाठी मूळचे पारनेरचे रहिवासी असणारे व नोकरी व्यवसायाच्या निमित्ताने ठाणे शहरात वास्तव्यास असणारे सखाराम बाप्पु व्यवहारे यांचे चिरंजीव निकेत सखाराम व्यवहारे व अहमदनगर येथील कन्या चि.सौ.का. आरती नानाभाऊ शिंदे तसेच रावसाहेब शंकर काळे वांजोळी तालुका नगर यांची कन्या चि.सौ.का. राजश्री व जनार्दन पुंजाजी कदम खानेगाव तालुका नेवासा येथील उच्चशिक्षित तरुणांनी आपल्या नवीन वैवाहिक जीवनाची सुरुवात करण्यासाठी मा. शरदचंद्रजी पवार  आरोग्य मंदिर भाळवणी येथे आमदार लोकनेते निलेशजी लंके राष्ट्रवादीच्या सहकारी मित्रांच्या प्रमुख उपस्थितीत आपल्या ठराविक नातेवाईकांसह उपस्थित राहून कोबिर सेंटरमध्ये हा विवाह सोहळा पार पडला.
महाराष्ट्रात घडलेल्या या अनोख्या विवाह बंधनात अडकणार्‍या या नवदाम्पत्यांनी ऐतिहासिक निर्णय घेत शासनाच्या सर्व अटी व नियमांचे पालन करत कोरोना तपासणी करून घेत एक अनोखे शुभ मंगल कार्य आमदार लंके व इतर मान्यवरांच्या सह कोरोणा रुग्णाच्या प्रमुख उपस्थितीत पार पडले व त्यांचा आशीर्वाद घेत नवीन वैवाहिक जीवनास या नव दाम्पत्याने सुरुवात केली . या वेळी जितेश सरडे, श्री.राहुल झावरे, बाबाजी तरटे बाळासाहेब खिलारी,राजेंद्र चौधरी,आशोक घूले,श्रीकांत चौरे, डॉ.सुनिल गंधे,बंडू कुलकर्णी,दत्ता कोरडे, प्रमोद गोडसे, संदीप भागवत, संदीप चौधरी, सत्येम निमसे, देवराम व्यवहारे, सुदाम शिंदे, रामभाऊ रासकर, लहू व्यवहारे, रावसाहेब काळे, आदिनाथ काळे, जगदीश काळे लहू व्यवहारे,रमेश व्यवहारे,दोन्ही वधू-वरांचे मामा उपस्थित नातेवाईक यांचे सह निलेश लंके प्रतिष्ठान,राष्ट्रवादी काँग्रेस पार्टीचे अनेक सहकारी मित्र पदाधिकारी हितचिंतक व शेकडो कोरोणा रुग्ण यावेळी उपस्थित होते.
चि.निकेत व्यवहारे व चि.सौ.का.आरती तसेच चि.राहुल व चि.सौ.का.राजश्री या उच्चशिक्षित तरुणांनी रुग्णांच्या मनातील भीती कमी करण्यासाठी आपल्या कुटुंबातील वडीलधार्‍या व्यक्तींना विचारून व शासनाच्या अटी व नियमांचे पालन करत कोविड सेंटरमध्ये रुग्णांचा आशीर्वाद घेत आरोग्य मंदिरात विवाहबद्ध होण्याचा निर्णय घेतला  त्यांनी उचललेले पाऊल हे खरोखरच ऐतिहासिक म्हणावे लागेल.अचानक पणे अनापेक्षित माझ्या सहकार्‍यांना त्यांचा फोन आला व आम्हाला माननीय शरदचंद्रजी पवार साहेब आरोग्य मंदिरात येऊन रुग्णांचा आशीर्वाद घेऊन तेथेच विवाह समारंभ पार पाडून आमच्या वैवाहिक जीवनाला सुरुवात करायची असा हट्ट धरला. आम्ही शासनाच्या नियमा प्रमाणे सर्व अटी व शर्तींचे पालन केले आहे.असे सांगत अचानक या दोन्ही नवविवाहित जोडप्यांनी या सेंटर मध्ये प्रवेश केला.व कोवीड सेंटर सह संपूर्ण महाराष्ट्राला आश्चर्याचा धक्काच दिला.दोन दिवसापूर्वी जागतिक पर्यावरण दिन होता त्याचे औचित्य साधत मी दोन्ही वधूवरांना एक वृक्ष दान केले व या वृक्षाची जोपासना आम्ही नक्कीच करणार असा सामाजिक भावनेतून काम करत असणारे व समाजासाठी ही प्रेरक ठरणारे या धाडसी दोन्ही नवदांपत्यांचे मी कौतुक करतो व त्यांच्या भावी जीवनासाठी सुयश चिंतितो!- आ.निलेश लंके
आमच्या पारनेर तालुक्याला लाभलेले युवा नेतृत्व कार्यसम्राट आमदार निलेशजी लंके साहेब यांच्या कार्याची प्रेरणा घेऊन त्यानी सुरू केलेल्या शरदचंद्रजी पवार आरोग्य मंदिर या ठिकाणी आम्ही नव विवाहित जीवनात एक सामाजिक कार्य घडावे या सामाजीक जानीवेतून आम्ही आज सरकारने दिल्याला नियमाचे पालन करून कुटुंब स्थरावर निर्णय घेत भाळवणी येथील शरदचंद्रजी पवार साहेब आरोग्य मंदिर कोविड सेंटरमध्ये आमदार लंके व शेकडो रुग्णांचा आशीर्वाद घेत आमचा विवाह सोहळा पार पाडला .सर्वांच्या साक्षीने व आशीर्वादाने लग्न बंधनात जोडले आहोत.त्या मुळे व्यवहारे परिवार आणि शिंदे परिवार दोन्ही परिवारानी एक निर्णय घेतला आहे की कोविड सेंटर मधील रुग्ण हे देखील एक आमचे कुटुंबातील सभासद आहे .त्यांच्या चेहर्‍यावर आनंद हाच आमचा साठी आशीर्वाद आहे.या मुळे आम्ही लग्नं मध्ये वायफळ खर्च न करता त्या रकमेतून रुग्णांना मदत स्वरूपात अत्यावश्यक वस्तु आणि जेवणाची पंगत आम्ही मदत स्वरूप करत आहोत.आम्हाला लाभलेलं आमदार यांचा आशीर्वाद घेऊन आम्ही पुढे असे अनेक सामाजिक कार्य करत राहू .आणि लवकरच आपला भारत देश कोरोना मुक्त होवा हिच आई तुळजा भवानी चरणी प्रार्थना करतो.- निकेत सखाराम व्यवहारे

No comments:

Post a Comment