महाराणी ताराबाई कन्या विद्यालयात ऑनलाईन शाहू जयंती साजरी

 महाराणी ताराबाई कन्या विद्यालयात ऑनलाईन शाहू जयंती साजरी

नगरी दवंडी / प्रतिनिधी 

अहमदनगर :  केडगाव येथील महाराणी ताराबाई कन्या विद्यालयांमध्ये राजर्षीशाहू महाराज जयंतीचा कार्यक्रम ऑनलाइन पद्धतीने साजरा करण्यात आला. याप्रसंगी सर्व विद्यार्थ्यांनी या कार्यक्रमात ऑनलाइन पद्धतीने सहभागी झाल्या होत्या. कार्यक्रमाचे सूत्रसंचालन व प्रास्ताविक जयश्री कोतकर  यांनी केले .संस्थेचे अध्यक्ष  रमेश गवळी ,संस्थेचे सचिव बबनराव कोतकर व संचालक प्रल्हाद साठे यांच्या हस्ते शाहू महाराज यांच्या  प्रतिमेचे पूजन करण्यात आले . इयत्ता आठवीची विद्यार्थिनी नक्षत्रा ढोरसकर व पाचवीची समृद्धी वारे  यांनी ऑनलाइन पद्धतीने शाहू महाराज यांच्या जीवनावर आधारीत भाषण केले . भारती गुंड  यांनी राजर्षी शाहू महाराजांचे कार्य व त्यांच्या सामाजीक न्यायाची माहिती विद्यार्थिनींना सांगितली . प्राचार्या वासंती धुमाळ यांचेही भाषण झाले . तसेच त्यांनी विद्यार्थिनींचे कौतुक केले. या ऑनलाईन कार्यक्रमाचे आभार जालिंदर सातपुते यांनी मानले .