"नगर तालुक्याला जादा लसीचा पुरवठा करा"
सभापती गुंड यांचे महसूल मंत्र्यांना साकडे
नगरी दवंडी
अहमदनगर : नगर तालुक्यात कमी प्रमाणात लसींचा पुरवठा होत असल्याने बहुतांशी गावातील जेष्ठ नागरिक लसीपासुन वंचित आहेत . यामुळे नगर तालुक्यासाठी जादा लसींचा पुरवठा करावा अशी मागणी नगर तालुका पंचायत समितीच्या सभापती सुरेखा गुंड यांनी महसुलमंत्री बाळासाहेब थोरात यांच्याकडे निवेदनाद्वारे केली आहे .
याबाबत सभापती गुंड म्हणाल्या की नगर तालुक्यात आतापर्यत केवळ १ हजार ७४९ लसींचा पुरवठा झाला असुन तालुक्यात यातुन १८ हजार ११७ जणांनाच लस देण्यात आली आहे . तालुक्याची संख्या पाहता तालुक्यात आजपर्यत झालेले लसीकरण कमी आहे . तालुक्यात ४५ वर्षापुढील नागरिकांची संख्या ८o हजार असुन अद्याप बहुतांशी जेष्ठ नागरिक लसीपासुन वंचित आहेत . लसींचा अल्प पुरवठा होत असल्याने लसीकरण मोहिम पुर्ण क्षमतेने होत नाही . शहरी भागाप्रमाणेच ग्रामीण भागातही लसीकरण मोहिमेचे उध्दिष्ट पुर्ण होण्यासाठी जादा प्रमाणात लस मिळावी असे साकडे सभापती गुंड यांनी महसुल मंत्री थोरात यांच्याकडे केले आहे .
No comments:
Post a Comment