स्वामिनी महिला पतसंस्थेच्यावतीने कोविड सेंटरला रोख आर्थिक मदत
नगरी दवंडी/प्रतिनिधी
श्रीगोंदा ः श्रीगोंदा तालुक्यातील तसेच पारनेर तालुक्यातील कोंविड सेंटरला स्वामिनी महिला पतसंस्थेच्या संस्थापक चेअरमन सौ. प्रतिभाताई विठ्ठल गांधी यांनी रोख आर्थिक मदत तसेच श्रीगोंदा परिसरातील गरीब कुटुंबांना किराणा व अन्नधान्य वाटप करण्यात आले.
स्वामिनी महिला पतसंस्थेच्या संस्थापक चेअरमन सौ. प्रतिभाताई विठ्ठल गांधी यांनी पारगाव येथील कोंविड सेंटरला 5 हजार 555 रुपये रोख सेंटरमधील रुग्णांसाठी बेडशीट , उशी, खोळं, टॉवेल, चादर 5 डस्टबिन, 5 ट्रे, 200 मास्क, हॅन्डग्लोज डेटॉल , सॅनिटायझर पाच लिटर, 30 किलो पोहे असे साहित्य दिले. आढळगाव येथील कोविड सेंटरला 2100 रु मदत व निलेशजी लंके प्रतिष्ठान भाळवणी येथील कोविड सेंटरला 2100 रु ड्रायफ्रूट दिले. त्याच बरोबर श्रीगोंदा परिसरातील वैदू समाजाच्या व नाव्ही समाजाच्या सुमारें 80 गरीब व गरजू कुटुंबांना तहसीलदार प्रदीप पवार यांच्या हस्ते किराणा व अन्नधान्य वाटप केले.
No comments:
Post a Comment