अनुदानप्राप्त खाजगी प्राथमिक शिक्षक पतसंस्थेची सर्वसाधारण सभा संपन्न
नगरी दवंडी/प्रिंतनिधी
अहमदनगर ः कोरोना संकटकाळात प्रत्यक्ष सभा घेण्यास परवानगी नसल्याने अनुदान प्राप्त खाजगी प्राथमिक शिक्षक व सेवकांच्या पतसंस्थेची वार्षिक सर्वसाधारण सभा चेअरमन संजय चौरे यांच्या अध्यक्षतेखाली ऑनलाईन पद्धतीने संपन्न झाली. सभेच्या सुरुवातीला आर्थिक अहवाल वर्षात मृत पावलेल्या सभासद, साहित्यिक, लेखक व शिक्षण क्षेत्रातील मान्यवरांना श्रद्धांजली अर्पण करण्यात आली, तसेच विविध स्पर्धा व परीक्षांत यश संपादन करणार्या सभासद व त्यांच्या पाल्यांचे अभिनंदन करण्यात आले.
पतसंस्थेचे मानद सचिव श्री. अजय महाजन यांनी मागील सभेच्या इतिवृत्ताचे वाचन केले. त्यानंतर सभेतील विषय पत्रिकेवरील विषयांवर विचारविनिमय होऊन सभासदांच्या मंजुरीने सर्व विषय मंजूर करण्यात आले. सभासदांच्या मागणीनुसार जामिन कर्जाची मर्यादा 10 लाखांपर्यंत करण्यात आली, तसेच कर्ज व्याज 10.20 वरून 8.40 करण्यात आले.
पतसंस्थेचे सभासद श्री. चौगुले, श्री. रंगा, सौ. शुळ या सभासदांनी ऑनलाईन सभेचे उत्कृष्ट नियोजन केल्याबद्दल व पतसंस्थेच्या कामाबद्दल विशेष कौतुक केले. सर्व संचालक, पतसंस्थेचे व्यवस्थापक सुरेश कुलकर्णी यांच्या सहकार्यातून सचिव अजय महाजन यांनी ऑनलाईन सभेचे उत्कृष्ट नियोजन केले. सभेस संस्थेचे चेअरमन श्री. संजय चौरे, व्हा. चेअरमन सौ. विद्या दगडे, खजिनदार श्रीमती मीरा वाव्हळ, संचालक श्री. चंद्रशेखर देशपांडे, श्री. शरद देवढे, श्री. श्रीनिवास मुत्याल, श्री. बाबासाहेब म्हस्के, श्री. गऊराम कदम, श्री. भगवान जाधव, सौ. तिलोत्तमा क्षीरसागर आदी उपस्थित होते. चेअरमन श्री. संजय चौरे यांनी आभार व्यक्त करून सभेची सांगता झाली.
No comments:
Post a Comment