पंधरा लाखांची खंडणी मागितली, दोघेजण जेरबंद

 पंधरा लाखांची खंडणी मागितली, दोघेजण जेरबंद

नगरी दवंडी/प्रतिनिधी
अहमदनगर ः पंधरा  लाखाची खंडणी मागणा-या दोघा खंडणी बहाद्दरांना जेरबंद  करण्यात नगर तालुका पोलिसांना यश आले आहे. कुलदीप कासार, सोनू गुंड (दोघ. रा.वाळकी ता जि अहमदनगर ) असे पकडण्यात आलेल्यांची नावे आहेत.
   याबाबत समजलेली माहिती अशी की, वेळोवेळी 15 लाख रुपयांची खंडणी मागितली व तुम्ही जर खंडणी दिली नाही तर तुमच्या घरातील सर्वांना उचलून नेऊन जीवे ठार मारून टाकीन अशी फोनवरून व समोर येऊन धमकी देत असे, या फिर्यादीवरून कुलदीप रुपचंद कासार, अशोक उर्फ सोनू विठ्ठल गुंड या दोघांविरुद्ध नगर तालुका पोलिस ठाण्यात गुन्हा रजि.नं 92/2021 भादंविक 384,386,120 ल, प्रमाणे गुन्हा दाखल करण्यात आला असून दोघांना अटक करण्यात आले आहे. उर्वरित आरोपी विश्वजित रमेश कासार व मयूर बापूसाहेब नाईक हे दोघे यापूर्वीच न्यायालयीन कोठडीत आहेत.