शिवराष्ट्र सेनेचे अविनाश घुलेंना निवेदन..
महापालिकेने स्वतःच्या मालकीचे वैद्यकीय कॉलेज उभारावे.नगरी दवंडी/प्रिंतनिधी
अहमदनगर ः महानगर पालिका हद्दीत दिवसेंदिवस वाढणारी लोकसंख्या व भूभागाची व्याप्ती पाहता पुणे, नाशिक, औरंगाबाद या शहरांकडे जाणार्या नागरिकांचे शिक्षणासाठी व नोकरीसाठी जाणारे लोंढे थांबविण्यासाठी महानगर पालिकेने आपल्या शहरातील नागरिकांच्या स्वत:च्या मुलांसाठी स्वतःचे वैद्यकीय विद्यालय सुरु करावे. अशी मागणी शिव राष्ट्र सेना अध्यक्ष संतोष नवसुपे व दलित आघाडी प्रमुख अनिल शेकटकर यांनी स्थायीचे सभापती अविनाश घुले यांचेकडे लेखी निवेदनाद्वारे केली आहे.
नगर महापालिकेच्या येणार्या अर्थसंकल्पामध्ये नगर शहरातील व जिल्ह्यातील विद्यार्थ्यांसाठी वैद्यकीय विद्यालये उभारण्यासाठी अर्थसंकल्पात तरतूद करावी. अशी मागणी शिवराष्ट्र सेनेच्यावतीने करण्यात आली. अहमदनगर मध्ये मनपाने वैद्यकीय कॉलेज उभरल्यास, माफक दरात विद्यार्थ्यांना शिक्षण घेऊन शहराला या निमित्ताने सौंदर्य व मोठे वैभव या विद्यालयाने प्राप्त होईल व शहराचा वैद्यकीय शिक्षणाचा मार्ग सुकर होईल. खासगी विद्यालयात विद्यार्थ्यांची होणारी आर्थिक पिळवणूक थांबेल. असेही निवेदनात म्हटले आहे.
No comments:
Post a Comment