राहुरीचे स्वीकृत नगरसेवक डॉ.मयुर चुत्तर यांचा नगरमध्ये डागा परिवारातर्फे सत्कार

 राहुरीचे स्वीकृत नगरसेवक डॉ.मयुर चुत्तर यांचा नगरमध्ये डागा परिवारातर्फे सत्कार

नगरी दवंडी/प्रतिनिधी
अहमदनगर ः राहुरी नगरपालिकेच्या स्वीकृत नगरसेवकपदी डॉ.मयुर राजेंद्र चुत्तर यांची नुकतीच निवड झाली आहे. राहुरी तालुका कृषी उत्पन्न बाजार समितीचे सभापती तसेच जिल्हा बँकेचे संचालक अरूण तनपुरे यांच्या मार्गदर्शनाखाली डॉ.चुत्तर यांना ही संधी मिळाली आहे. डॉ.चुत्तर हे नगरमधील जय आनंद महावीर युवक मंडळाचे प्रमोद डागा यांचे भाचे असून या निवडीबद्दल डागा परिवारातर्फे त्यांचा नुकताच सत्कार करण्यात आला. यावेळी राजेंद्र डागा, अशोक डागा, छायाताई चुत्तर, योगेश चुत्तर आदी उपस्थित होते.
प्रमोद डागा म्हणाले की, डॉ.मयुर यांची नगरपालिकेच्या स्वीकृत नगरसेवकपदी झालेली निवड ही आमच्या परिवारासाठी सर्वात मोठी आनंदाची गोष्ट आहे. वैद्यकीय व्यवसाय करतानाच डॉ.मयुर हे सुरुवातीपासूनच सामाजिक कार्यातही अग्रेसर आहेत. राहुरीतील महावीर मंडळाच्या माध्यमातून ते अनेक सामाजिक उपक्रमात अग्रेसर असतात. आरोग्य जागृतीसाठीही ते कायम प्रयत्नरत असतात.